今次又跟大家找出星期三上陣的跟進馬、回顧開鑼日跟進馬的表現及發掘兩匹有質素的跟進馬。
昨日馬季開鑼戰波仔三匹跟進馬有兩匹順利勝出，今次跑馬地賽事主持又有三匹跟進馬上陣，當中有兩匹係潘頓座騎，而第七場「英雄豪邁」唯一贏馬就係潘頓經手，今次重遊勝途要睇實。除此之外，昨日田草A跑道波仔揀左兩匹當起馬要大家Mark實記存，所以大家要睇實節目！
英雄豪邁今場有力重遊勝途
「英雄豪邁」近四仗接連跑千二似乎非首本外，負磅不輕的牠更不時遇上劣勢，故敗績有藉口。今仗重途勝途外更回配贏馬拍檔潘頓可謂故劍重逢，在預期快馬多之下應合此駒追趕。
如果步速夠快，後上跑法的「帖木兒」上季只出賽四仗相信耗力不多，而且重回三班跑一千即復現真身出賽及操練頻率相對正常，估計馬匹傷患情況穩定，亦估計幕後會盡快用。
「加州得力」谷草及後上能力也無容置疑，今仗賽前亦首次安排到從化操練，不排除其戰鬥力如廄侶「中華盛景」提高。
假如壓地後仍是利前置賽駒，跑法彈性的「人和家興」或佔到優勢，反之，如果場地頗利後上馬的話，方廄另一匹賽駒「巴薩諾瓦」則可以調升評級。
