馬蕭蕭先揀第3場的「奔妙星」，最近兩場角逐1400米均以偏快的步速拍放，直路早段一度輕鬆出頭，然而在最後200米迅即轉弱，明顯是力有不遞的表現，今場縮回至1200米，有260場次的三班強組打底賽績加持。
馬匹在四班負129磅惡氣十足，排14檔要考考麥道朗的走位，若有較佳分頭，仍可以一博。至於第8場的「威力奔騰」，上次配潘頓仍冷至15倍，似乎已經退熱，賀賢見時機成熟，又出絕招，先小休，然後首度往從化加以打磨，若跑回季初連續兩場遇慢步速開21秒半的末段時間上名的水準，身處此組絕不懼怕任何對手，值得重視。
波仔今次揀第二場「綠族威」前仗力拼得亞軍後，上仗只相隔六日匆匆再跑，體力成疑外，縮程跑泥地未必是牠強項，敗績可給予藉口，今仗賽前再到從化操練，部署如前仗入位時，環顧今場前置馬唔多，輕磅隨時走甩。
第十場「金陽飛駒」觀點跟上次揀「明亮天下」一樣都是看好段速水準不俗的455總場次，前駒雖然無後者咁蝕步速，但直路上取位的遲緩也令馬匹大勢而去，輕輕追回主馬群甚有睇頭，試好閘揀大賽日上陣，有力配合馬房明星馬兼爭特別成績獎金。
