又來到堅仔晨操勇馬環節，睇晨操，除了要找出Fit馬之外，還要留意走規或體態有改善的馬匹，從而發掘出存在變數的冷門。打個簡單比喻，以前細個初初打籃球，淨係識用右手帶波，好容易俾人守死，同個朋友 1對1輸咗請汽水，長期都係做俾錢嗰個，之後我在籃球場付出汗水訓練隻左手，變成左右開弓，從此佢就贏我唔到了。賽馬亦如是，要教馬，都是在晨操作出調教，成果或多或少都會在快跳的形態中展現出來。
今次介紹的3隻勇馬，分別來自第1場、第6場和第8場，當中以轉廄初出的「心想事成」的轉變最為明顯，過往在養尊處優的高廄，於四班都取得3W，相信假以時日，必能征服三班，務必要記存。
馬蕭蕭短評：
「特攻」易位難贏之輩，但勝在狀態好，而且以其速度應不需要留得更後位置
「華麗活力」近仗跑同程表現一般，未知是否馬房一心等降班才郁手，定或是加面箍後的反效果，但今仗畢竟重回四班，再結合預計步速形容應該會好跑。
