第一場「大利好運」泥閘起步向上跳躍，早段居後，直路移出外檔追回前列走勢尚不差，而上仗轉跑谷草屬雙蝕敗績，回師入位路程，未可盡忘。第二場「閃光燈」及「笑喜喜」不斷有大閘砥礪，馬兒亦見有一定前速。
直路騎落亦有反應，當然交出反應及貫注力可以再增強，初起階段可留意走勢。第三場「光明傳承」谷草起步拖後，彎位逐步上前唔算吃力，直路移出大檔走勢算輕鬆，狀態在多跑之下起回起不少。「金獅勝將」上場慢步速有追勢，埋門泥閘看似沒甚走勢，但一來路短，二來泥地走內檔見習生騎唔郁無起動，無強走勢也合理。
「英駿飛駒」賽前屬季內第二度上從化操練，埋門大閘起步後稍失蹄，但兩三箭步已緊咬泥地一放到底的「假面騎士」，然而末段有推騎相信主要是省馬為主。
第四場「神馳」上仗賽後隨即轉上從化操練，泥閘起步快，全程走來前後兼備，輕鬆非常，仍在作戰狀態。
第六場主題賽事一眾賽駒賽前也有大閘工序，擂台躉「嘉應高昇」起步後順勢切入領放，直路「遨遊氣泡」迫近下換腳保持同速到終點，雖狀態未必如國際賽的頂峰水準，但也有九分水準。而後者因轉季而剪毛，但整個大閘也躍躍欲試，一哩馬試短途閘餘勢好是合理，但狀態也不比上月贏大賽時回落太多。
「驕陽明駒」起步順勢拖後競跑，在段速逐步加快下彎位逐步加速上前走勢也不弱。
第七場「紅愛舍」泥閘起步反應好，刻意拖後，直路再移出追勢利落，馬兒角逐興趣不俗，上仗賽事水準不俗，檔好成冷可防。同組也有高分賽駒「永遠美麗」出試，起步反應尚好，大步馬沿外欄上前，直路追上姿態恰如其分，稍嫌過終點後餘勢未夠利落。
第九場「信心星」上仗賽後驗出喘鳴，但唔算遲復課，其後轉上從化操練，埋門草閘起步反應不弱，但布文立刻拖後競跑，雖然步速偶快下追上非特別，但喜見馬匹角逐猶在。
第十一場「英勇快車」泥閘起步唔慢，隨即拖後競跑，彎中移出外檔順勢跟跑，馬兒試來躍躍欲試，在有蔡廄加油閘砥礪下，狀態逐步攀升。
「笑傲江湖」直路閘見前速，埋門泥閘雖然起步稍慢，但隨即跟守馬群中央，彎中上前及直路走勢猶有餘勁，出賽經驗豐富的牠似乎來港適應不俗，鞍上人早前揀即昤停賽，不排除心中有馬。
