第一場「謙謙君子」早在九月初及最近一個泥閘均在食沙後有追勢，囤足兩個月體力報跑今場，可以兼顧。「有心意」 同樣一而再於泥閘中採不同跑法可於前列位置過終點，下週三有谷草千二唔報跑，似乎練者有心轉跑泥地。
第三場上次在此節目同大家睇 金風萬里及加州動員 時提及1月28日第三組泥閘段速水準好，而「良駒好友」更是該組頭馬，所以更加要留神。「火神神樂」轉至賢廄後操練足，泥閘起步唔算慢，直路移出外檔亦有追，評分已比同程入位時低且有轉倉變數，已可兼顧。第五場「譽友駿駒」早在十一月泥閘已在馬群內有追，之後連番大閘走在馬群內也未見搶口，三歲馬進度循序漸進，查同父馬不乏泥地可勝例子，初出縱排檔較差，但未可盡忘。
「星火燎原」專程等泥地賽再出，埋門再有大閘砥礪，馬兒起步反應好，走勢貫注從容，狀態足以保持。第六場「怪獸奇兵」泥閘起步唔慢，但中距離步頻馬早段被帶離實屬合理，而馬兒直路移出外檔追勢對辦餘勢亦好，七歲馬難得有狀態相信不作保留。第七場「昇瀧駒」陣前泥閘跟廄侶「譽友駿駒」同試，馬兒起步應聲彈出，直路鬆兩步輕鬆趕上，狀態對辦。
第八場「德心知遇」埋門泥閘起步順利，隨之拖後競跑，彎中發力沿內欄追上躍躍欲試，狀態足以保持，廄侶「魅力寶駒」直路移出中榴順勢上前，走勢也見輕鬆，此駒將於第七場上陣。第九場「新意馬」大閘應聲彈出，沿途夠前速領放一放迄終，上仗也算是前置馬中表現最好一匹，查同父馬具備氣量及有泥地色彩，刻意轉場不可不防。
