舞林密碼 閘好再拼

第二場 「舞林密碼」今次賽前相隔五個月再到從化操練，大閘起步順利跟前，末段貫注到尾一氣呵成，上場賽事水準極高，轉場有力補中，第五場 「滿載歸來」唞一個月後最近試直路閘，部署一如近仗跑得好時的工序，然而短途閘試來唔脫節，狀態猶在。

第六場「鐵三角」隔三場再到從化操練，雖然泥閘對手唔強，但佢自己沿途走勢利落，稍留亦肯追馬，相信有新鮮感刺激。

第七場「喜旺駒」大閘稍稍挑剔佢起步唔係最快，但跟返住馬群下餘勢不弱，加上今場屬評分上限拉闊場合，對手遠比上仗減弱，加上同場有快馬，相信有助牠發揮。