第二場「嘉應駿馬」從化閘起步快，前速飛快，末段貫注力不俗，狀態對辦。同組也有出戰第四場「北地烈馬」起步唔算快，但走順後逐步追上，走勢不俗。
第四場「高份數」上仗賽後轉上從化操練，期間兩課大閘，11月尾一課起步快，直路輕鬆而回，埋門一課起步其實唔慢，所以鞍上人拖後而已，然而直路上於馬群內追勢不弱。
另外「大利好運」埋門直路閘起步唔慢，留居後列順勢跟跑，過終點後餘勢好，所以名次唔起眼不用太理會。
第五場「爆笑」泥閘雖然名次一般，不過過終點後又回氣上前，不排除此駒泥地性能一般而已。同場「經典時代」埋門加眼罩於從化試閘，起步拖後跟跑，直路移出外疊後勁不俗，狀態循序漸進。
第六場「觀天下」同「小皇爺」一同於從化試草閘，前者略略起步唔夠快，但末段追上姿態不俗，同樣地「小皇爺」起步也可以更俐落，但末段輕輕催策下亦有走勢，狀態比上仗有進。
第七場「納百川」埋門加面箍試泥閘走勢一般，所以陣上決定唔用亦合理。父系有一哩根據，操足立心跑此程應有一定決心。
第八場「智勇名駒」今課是考閘，前速不俗雖然步速唔快，屬有利一員，不過今場前領馬也不多，可防泥地敗績後轉場變身。
第九場「美麗緣分」新勝馬賽前再試直路閘，起步順利，末段換腳後輕鬆上前，走勢對辦。
第十場「獨角獸」泥起起步唔慢，彎位移出直路追勢貫注到尾，然而同組出試馬匹不乏當銳份子，所以大組水準可以信賴。
