第二場「摘星光輝」季內首次試大閘，起步唔慢，但捉一捉落尾而已，然而此駒非後勁特強馬之餘，泥地亦非有利欠起動馬匹推進，所以最終在內欄移出緩緩追上的表現不算太差，第四場「晨曦儷人」埋門大閘起步雖稍慢，但走順步頭後逐步追上，走勢有進步。
初出可留意走勢，其次同樣初出的「祝願」馬匹款頭不俗，三課試閘均見追勢，奈何最近試完大閘後操練略有放緩，唯有先觀望。第五場「開心寶寶」最近大閘前速猶在，只是直路無換腳衝刺略有瑕疵，不過仍在四班出賽，有力再入三甲，同組一齊試既「加州動員」及「龍之輝」前駒應聲彈出，前後兼備，狀態無受最近閘前退出影響。而後者一樣快閘，前速對辦，除去綁脷帶及跑回正常場地，可見真章。
第八場「綫路萬里」泥閘起步快，直路內欄有空位後上前追勢不弱，狀態循序漸進。第九場「實力派」陣前再上從化，有試登山及大閘砥礪，部署有如近仗贏馬及入位時，看來幕後有心盡用一時。
