昨晚谷草開鑼戰都係貼欄慳腳程馬比較好，所以波仔揀左兩匹蝕腳程的馬跟進。而今個星期日，第一場「火鑽」試閘起步反應無預期中咁好，反之「自強不息」一如「堅仔試閘靚馬」中提及大閘走勢利落，爭勝狀態已備。除此之外姚廄今次有匹初跑泥地馬似乎可以搏下啵，想知邊隻快啲睇片喇～
波仔短評：
「自強不息」馬兒在上季總場次(758)的好段速強組中跑入亞軍，足見泥地性能不俗，上仗或許相隔日數太密也未能回氣而已，敗績尚可給予藉口，縱然開操後稍有「甩咳」，但埋門兩課大閘起步反應敏捷且走勢一氣呵成，馬兒已及爭勝狀態。
「萬事快」上季陣上不時虎蛇尾只能四度入位，相信馬兒韁口未盡放鬆是關鍵所在，近日改配面箍可在短途閘起步後稍留而末段一鬆即有，似乎新配備能帶來正面作用。翻查馬兒來港首兩課泥閘在無任何眼罩配備下沿途食要沙，但直路末段移出仍肯追，估計可應付泥地賽場，棄同日草地千二轉場上陣，不排除是練者的刻意安排。
