第二場「勇晉當銳」季內首度北上從化操練，中距離馬試閘前速唔曳，輕鬆緊咬馬群，末段追上姿態不俗，今仗快馬唔多，如順勢上前咬好位，「勇晉當銳」可賺取形勢。
第四場「納百川」近日谷閘名次雖不及今次有份上陣的「東來欣賞」及「追風」，但「納百川」整條直路無乜郁手，而且餘勢相對更好，似乎進度也不俗。
第六場「包裝至善」食慾不振退出後轉上從化操練，埋門除眼罩試閘起步唔慢，沿途跟前無搶口，似乎成熟程度有進，上仗初跑一哩快跟唔斷，再報同程有力提升名次。
第九場「歡樂老撾」近日試泥閘前速夠快，末段猶有餘勁，雖然同組馬匹數量唔多，但可先記存其走勢，甚或至馬兒泥地性能不俗，而上仗550 場次賽事水準好，落班前我會拖住一票先。
