第一場 「希廄四歲馬」 泥閘起步唔慢，輕鬆跟前，直路追勢不弱，馬兒仍在爭勝水準。 同組 「蔡廄五歲馬」 起步反應也敏銳，雖然前速一般，但末段追前甚多，表現對辦，此駒再出戰第四場。第二場 「轉倉初出文廄馬」 五月初泥地閘段速水準好，鄰近三匹賽駒陣上均有表現，埋門泥閘快慢由人，見好即收，轉倉操好才安排上陣。
「新勝同程賽駒」 起步夠快，騎者按住之下輕鬆跟前，直路猶有餘勁，新勝猶勇。「丁廄三歲馬」 起步唔算慢，騎者早段扣實，但馬兒徐徐追上，在食沙後移出催策有追，進度良好。
第五場 「游廄新勝馬」 泥閘起步相當快，鞍上人隨即拖後競跑，但末段移出外檔換腳後徐徐追上，步大力雄。「羅廄三歲馬」 大閘起步唔慢，中距離馬沿要比住跟守馬群，但直路末段再騎追勢對辦。第七場 「蔡廄新勝馬」 從化閘起步隨即拖後競跑，直路沿內檔轉位上前，走勢輕鬆。第八場 「主席短途獎亞軍」泥閘起步反應快，鞍上人同樣捉後隨意跟跑，狀態足以保持。
第九場 「蔡廄新勝馬」 加單邊眼罩兩試大閘走勢見有進步，似乎新配備無帶來反效果。第十一場 「方廄四歲馬」 加開縫眼罩試泥閘早段落後馬群，直路稍稍移出長韁跟跑而已，輕鬆非常。
