第一場這匹靚馬九月尾至十一頭曾缺課，但之後十二月中回復快跳後操練正常，八百米及直路閘均見前速銳利，埋門一課可見貫注力不俗，快跳馬身已收亦見飽滿，進度循序漸進中。另一匹於直路閘走不利路段透出。
之後於從化直路閘跟守「新意馬」「首飾天空」已有陣上證明的賽駒未有潰散。 可見有一定競賽能力，埋門大閘中段透出黎直奔終點，大閘課比課好，雖然馬匹毛水仍稍淡，但快跳力度不俗，初出已可防。
第四場這匹後上馬今課泥閘除哂配備試，起步反應不俗，沿途二疊跟前，前馬扯快步速對有氣量的牠走得更舒服，末段走勢不太差。後駒剛直路中段已告力弱。同組另一匹質新馬起步唔算慢，沿途守內欄第三位，彎位逐步移出有認真騎，馬頭稍為擺側，但催策下都算有加速力，續見進步。
又一匹馬仔細細，快跳見毛水都仲係淡啲，出腳仲有啲鋤頭，不過加左面箍的確有幫助走規，大閘都係起步未係最準，不過起碼加鼻箍後刻意跟馬群中騎下佢都識加速。第五場有匹起步反應恰好，早段步速快跟守後列,彎位移出外疊，換腳後持續有追。同組另一匹沿途跟前二疊，在稍偏快步速下末段未算潰散，貫注力增強，惟今場排外檔，初跑千四留意走勢。
第七場這匹明星馬泥閘應聲彈出跟前列競跑，彎位加速，直路移出中疊鬆住韁繩走勢對辦。一月三十一日泥閘；同場對手起步快拖住外疊中置，直路初換腳鬆住騎追勢不弱。另一廄侶早段唔慢腳，跟前二疊直路無換腳保持速度。
這場另一匹試閘馬起步順滑，扣住中前包箱位，彎位未有起動，直路全程順跟而已，餘勢不俗。另外今次排外檔的這匹快閘扣住拖中後二疊位，直路移出認真考驗追勢有勁，狀態續進。另一馬房馬匹起步慢一慢在尾列，彎尾外疊加速，大步跟回仍算輕鬆。
第十場有匹馬起步唔慢，跟前二疊，直路移入中內檔，追勢對辦。同場對手前一課大閘起步順利，但最近一課起步又慢一慢，在試閘速度則可以輕鬆跟回主馬群，但真正出賽時則要考慮讓人半拍的風險。
