第二場「賀廄戰馬」泥地閘應聲彈出，其後全程拖住走外疊，但中距離及泥地性能非強的牠直路沒有脫節，所以名次可不用理會。「同程一勝一位方廄馬」泥閘起步唔係最快，但兩三箭步跟守前列，然而大步均速馬，末段竄勁唔夠「增強」亦合理，但其走勢亦算輕鬆。
「鄭廄六歲馬」泥閘起步唔慢，沿途跟守前列走勢從容，而直路上走內欄鞍上人未有催策，順跟而已，查馬兒谷草也曾入位，今仗轉場而臨，冷腳可敲。
第三場「黎廄灰馬」泥閘起步反應快，沿途二疊跟前，直路換腳唔論盡，末段跟跑走勢亦對辦，刻意唔跑千二兼強配，似乎幕後有點特別心意。
第四場「希廄八歲馬」老黃忠從化泥閘起步反應亦對辦，沿途跟守中前置不吃力，直路順勢跟跑用力不多，唞夠試埋大閘而臨。
第六場「葉廄賽駒」泥地閘起步反應甚快，其後稍留競跑，直路困守馬群食沙後追趕力強，表現對辦。
第八場「東廄四歲馬」泥閘起步亦無慢，然而中距離腳法的牠，中段跟得有點兒吃力，但直路沿內欄收復不少失地，作戰狀態猶在。
