第三場「同程新勝馬」上仗贏馬段速及姿態出色，勝後不急於出賽，四月尾大閘起步快，沿途外疊競跑從容非常。埋門五月再試一課同樣起步甚快，直路移出追勢利落，勝後狀態有進無退。
「沈廄四歲戰駒」前課泥閘起步應聲躍出，直路換腳從容，鞍上人亦無刻意催策走勢對辦，埋門谷閘前速不弱，拖後跟守馬群亦有追勁，小休後體力及狀態在水準之上。
第五場「姚廄新馬」從化閘沿途貼欄中置，直路於馬群中跟跑暢順，但略有點頭及收身可更好，埋門泥閘前速雖然唔快，但馬兒在食沙後追勢不太差，在較弱組別四班賽，可以兼顧一票。
「呂廄初出新馬」從化直路閘起步雖然唔係最快，但有一定前速跟守好位，末段轉位騎落有追，埋門泥閘表面名次雖一般，但一來起步被夾，二來質新馬不排除食沙後不願展步而已。
第七場「賀廄四歲戰駒」谷草閘起步順勢拖後而已，沿途扣住走勢暢順，直路移出大外疊遲望空輕輕催策有追，今次備戰更足，未可忽視。
第八場「賢廄新勝馬」泥閘起步暢順，潘頓全程長韁由馬兒順走而已，無刻意迫搶，純粹跟跑一課而已。
第九場「沈廄四歲馬」加眼罩試泥閘起步反應及前速不弱，前後走勢均輕鬆，而早前曾提及此組大閘段速水準好，然而鄰近兩匹好走勢賽駒陣上取得一勝一亞，水準要調高。
