第一場「賢廄六歲馬」埋門泥閘雖然名次唔起眼，但一來千六對於佢來講比較路短，而且困守馬林要追，非此駒最擅長而已。第五場「姚廄賽駒」泥閘起步唔慢，鞍上人隨即拖住而已。
然而彎中略有收阻，直路於馬群中策騎有追勢，而且鄰近賽駒亦屬能力頗高馬匹，表現可作準。第六場「姚廄新勝馬」泥閘起步反應好，前速亦見銳利，馬兒直路換腳利落，末段走勢一氣呵成，新勝馬狀態仍勇。同場「羅廄四歲馬」埋門從化閘重現前速咬守好位，直路馬群內推騎有追兩步，似乎轉上從化靜練有助。
第九場「三歲游廄馬」泥閘雖然是該組最高分但走來渾身是勁，季尾才撻著的當銳更見惡氣。此外，同場「羅廄新勝馬」泥閘起步唔慢，於馬群內競跑未算太搶口，直路開步蹄肢彈彈，走勢不比一眾高分馬差。
