初出跑好 以下犯上

第６場「博才」今次賽前突然轉到從化操練，似乎練馬師希望為馬匹增添新鮮感，然而馬仔試千六閘輕鬆勝出，狀態維持，再睇返呢匹四歲仔上一場遇上不利追慢步速，而直路走中內欄不利段追入三甲，表現不俗，今次再排上中內檔，有力補中。

另一匹試閘靚馬就揀左係第９場既「知足常樂」最近泥閘由潘明輝過檔，馬仔起步反應甚好，而且中長途馬沿途可緊咬好位，可見作戰狀態不俗，睇返上場賽事，馬仔屬季內初出，而且負重磅已有一定壓力，再結合沿途段速偏快屬形勢不利一員，最終少負不足１馬位表現出色，今次賽事少負１２磅，跑法主動，面對非當銳高分馬，有力偷襲。