馬蕭蕭揀第二場１２「荃程路通」十分飄口，不易發揮，但季內兩戰配巴度都可以跑近，當中包括上場角逐田草1400米，排13檔於大利貼欄的偏差下，能後上追回超過5個馬位的失地，今次賽前拍一課草地加以打磨，狀態有進無退，人馬繼續合作，可期跑入前列。
第七場５「名門望族」前次增程跑1600米，忽然強配麥道朗，沿途走三疊下毫無威脅，上次回師1400米，末段有點受阻下只以個多馬位見負，今次不繼續報跑1400米，反而又再次挑戰在外地早有贏馬紀錄的1600米，賽前曾落一課草地快跳，亦是此駒近一年首次落草地，看這項備戰程序不似是減分，丁廄近期的成績有明顯起色，不容忽視。
波仔就揀第三場３「禪勝寶駒」上次泥地愈跑愈利前置同沿途貼欄馬，同日走外疊三甲不入［魅影獵飛］剛剛已補中，所以呢匹灰馬仔上次落敗應該係形勢使然。今場快馬多，有望受惠埋步速形勢，可以再給予機會。
另一匹冷馬揀第七場１４「縱橫大進」睇中佢係前一場180場次，雖然該仗係快步速受惠者追近，但直路初被［電路九號］撞之後都繼續肯追，似乎五歲馬開始知道什麼是競賽，上仗直路初受阻至最後二百米，形勢一般的敗績而已。
