今次堅仔冷馬精選，除左同大家回顧昨晚谷草賽事外，亦都同大家揀冷馬，馬蕭蕭先揀第４場的「奇妙年華」上場初出可以跑回第四，對於一匹體重超過千二磅的肉身馬來說，演出算是有點驚喜，拚後再上從化跳多課草地，再試一個1600米閘壓逼，埋門跳草地的時間快達1分18秒9，是此駒歷來跳３段最快的時間，操練明顯已經大幅加壓。
今場跑2000米排１４檔，可以採用中段變奏的策略，上季便是利用這招在此程出冷，提防舊招重用。至於第6場的「好勁力」只是三歲馬，其實可以報跑條件限制賽，卻選擇跟廄侶「禪勝輝煌」一樣，寧可遇舊馬，都要出戰自己合適的路程，上場加眼罩繼續跑1400米，跟正常步速跑回第二，完成時間亦稱職，在其身後的沿同一跑線推進的「時時稱心」再出也可以提升名次，水準不俗，今次放頭馬不多，應可佔步速之利，這匹快將轉四歲的北半球馬可望繼續進步，可期補中。
波仔就揀左第５場初出既［銀皇興標］呢隻紐西蘭自購馬上季六月已經開操，暑期轉上從化更加無特別休息過，今季四個大閘相個已夠開氣作用，外地採前置跑法贏馬，係今場無甚快馬場合，相信已有形勢可賺。
另一匹係第９場［綠族無限］波仔都係拎住上尾788強組賽事做依歸，係馬群衝得好既佢，翌仗可能出得太密同天雨影響而已。
