第五場好多馬都初跑泥地，而２「爆熱」及４「龍之心」上季中曾經一齊試泥閘走勢唔錯，而當中「爆熱」最近再試泥閘，起步反應利落，早段可輕鬆跟守數匹有前速馬匹，沿途食沙後再移出追勢不俗，今課閘可見騎者有用心測試，所以突轉泥地上陣應有一定考量。
第七場「７賢者無敵」新勝馬由潘頓過檔試泥閘，雖然最終名次不太起眼，但全程按實純粹小休後再開開氣之用，一心等罕有的直路賽，不用懷疑其鬥志。
同一組有份試出戰第八場既２「唯美主義」沿途輕鬆跟守馬群，直路鞍上人未有認真考驗都徐徐撲上，新勝馬保持勇銳。然而再係今組第十名過終點的１４「久久為尊」看似表現一般，但馬匹起步稍稍落後，而馬性傾向中距離的牠，所以路短閘無太強走勢不用介懷，馬兒上仗有一定追勢，今仗排檔內移可作冷腳。
第十場２「寰宇豐采」出自賽事水準應不低(185)場次，上次應是雙蝕落敗賽績，埋門大閘前後兼備，狀態續進。另外上次係「堅仔冷馬精選」介紹的７「綠族無限」今次唞到夠復出，大閘輕描淡寫完成，狀態足以保持，有力再爭勝。
