告東尼馬房自從11月20日之後，旗下馬匹都不能游口，但此廄於12月13日起，有部分馬匹已經可以恢復游水，反映內部問題已開始解決，成績有望逐漸回起。而來港客串一個月的麥道朗手執不少惡馬，看來有機會連場跑入前列。

今次堅仔冷馬精選，波仔揀第四場１「神舟飛駒」上仗跑四班之餘，沿途前置係快步速受害者，相近跑法的「但求快活」及「龍船快」近日都可提升名次。小休期間操練充足，重返五班再戰，更有班利可言。

波仔揀左其中幾課大閘走勢對辦馬匹比大家參考一下，第一場「特攻」上仗賽後轉上從化作小休，埋門加眼罩試大閘起步反應好，前後兼備，翻查此駒對上兩次有此安排後上陣取１亞１季，今次三檔起步亦預計可守靚位角逐，贏馬好時機。

第１場「特攻」上次拚後往從化操練超過一個月，期間試了５課登山跑道和1個大閘，回港作最後試跑，大火有力，勇況畢呈，今次縮程至1000米，所遇的對手奇弱，回看上季轉廄初出角逐此程，可跟一眾惡馬力逼得第四，今次相隔４９日再戰，部署相近，勝望極高，可作孖寶頭關。

戴繫舌帶俗稱「綁脷」，可以防止馬匹因「吞口水」令上顎骨向上而影響呼吸及表現。此外有些馬匹亦特別喜歡「玩脷」，這會令牠們競賽情緒不集中及影響表現，戴繫舌帶對這些馬也可能有幫助。在港的練馬師中，告東尼會恆常為馬匹戴繫舌帶出賽，而師承他的巫偉傑亦如是。

馬蕭蕭揀第３場「八駿笑昇」，這匹四歲馬來港首戰已展現極能的戰鬥力，但其後的表現一沉不起，而今季跑了３場都是雙位數名次，但今次賽前試了一個谷閘，少有地在直路願意追馬，試完大閘的一課快跳亦相當肯走，落腳輕快有力，近況大有起色，有權交回應有水準。