賽馬節目

今次12月20日的谷草夜馬，大多數都是考閘及進度未夠的質新馬大閘，所以好走勢馬匹比唔算太多。其中試得好頭場有兩匹，先是２「都靈福星」月初試泥地短途閘，雖說起步稍慢，但隨即可輕鬆緊咬返馬群，末段馬群中央追上走勢不俗，角逐情緒猶在。

第一場田草2200，翻查同程成績，１號「自然力量」及２號「都靈福星」成績最佳，再看堅仔檔位，數據顯示谷草C+3的2200米內欄檔位偏差不大，再經堅料秘笈及賽績篩選後，發現４號「波爾多」在136場次跑獲第二後成績無以為繼，加上未能展現長力，先剔走這匹。

波仔今次冷馬揀第二場［11.綫路光明］前仗跑來氣管有血兼多痰，上仗小休復出，賽前未有大閘，轉跑非擅長泥地可當熱身場次，今戰回師贏馬途程，排檔轉好，相信要把握機會爭勝。

告東尼馬房自從11月20日之後，旗下馬匹都不能游口，但此廄於12月13日起，有部分馬匹已經可以恢復游水，反映內部問題已開始解決，成績有望逐漸回起。而來港客串一個月的麥道朗手執不少惡馬，看來有機會連場跑入前列。

第五場好多馬都初跑泥地，而２「爆熱」及４「龍之心」上季中曾經一齊試泥閘走勢唔錯，而當中「爆熱」最近再試泥閘，起步反應利落，早段可輕鬆跟守數匹有前速馬匹，沿途食沙後再移出追勢不俗，今課閘可見騎者有用心測試，所以突轉泥地上陣應有一定考量。

今次堅仔冷馬精選，波仔揀第四場１「神舟飛駒」上仗跑四班之餘，沿途前置係快步速受害者，相近跑法的「但求快活」及「龍船快」近日都可提升名次。小休期間操練充足，重返五班再戰，更有班利可言。

第１場「特攻」上次拚後往從化操練超過一個月，期間試了５課登山跑道和1個大閘，回港作最後試跑，大火有力，勇況畢呈，今次縮程至1000米，所遇的對手奇弱，回看上季轉廄初出角逐此程，可跟一眾惡馬力逼得第四，今次相隔４９日再戰，部署相近，勝望極高，可作孖寶頭關。

波仔揀左其中幾課大閘走勢對辦馬匹比大家參考一下，第一場「特攻」上仗賽後轉上從化作小休，埋門加眼罩試大閘起步反應好，前後兼備，翻查此駒對上兩次有此安排後上陣取１亞１季，今次三檔起步亦預計可守靚位角逐，贏馬好時機。

馬蕭蕭揀第３場「八駿笑昇」，這匹四歲馬來港首戰已展現極能的戰鬥力，但其後的表現一沉不起，而今季跑了３場都是雙位數名次，但今次賽前試了一個谷閘，少有地在直路願意追馬，試完大閘的一課快跳亦相當肯走，落腳輕快有力，近況大有起色，有權交回應有水準。