十月十一日的谷草夜賽，三十一匹賽前曾試閘既馬入面，波仔揀左兩匹好走勢馬匹同大家分享一下，先係第五場「皇帝英明」，暑假轉到從化操練，一千米大閘起步順利，前後兼備，大閘後返港三課快跳走勢更見上力，今場快馬林立，有千二氣量既佢或可賺取形勢。
另一匹轉廄初出跑第七場既「都靈勇士」，呢匹六歲馬今季轉左文家良馬房後，晨課有喚然一新之感，第一課大閘起步順滑，末段貫注力強，最近跟守馬群後直路徐徐追上，走勢對辦見對辦。此駒人馬合作逾五成上名，騎練合作亦好，相信係時候省招牌。
波仔馬評：四班一千米對手見慣見熟，然而今場中外檔均有快馬，預計大家早段要搶有利位置，早段快速有機會拉快。「皇帝英明」暑假轉上從化操練，九月中從化直路閘起步反應良好，末段貫注力亦足，返港後快跳上力更進。今場快馬林立，四檔起步應可咬守好位，有千二米氣量的牠相信在此會有優勢。
