Hello大家好，歡迎返到嚟排位日同大家見面嘅堅仔跟進馬，我係波仔。咁我換咗個新look喎，點解咧？因為嗰隻嘅無線咪，突然間hang咗機喎。為免費事失事嘅時間，就換咗另一個耳機啦，希望大家唔會覺得好似好古怪咁啦。
咁講翻今次嘅夜馬賽事啦，當然就冇琴日嘅日賽咁好戲碼，咁亦都唔系太多跟進馬會上陣㗎噃，即刻同大家睇下，今次有邊隻馬會跑，同埋佢哋機會又如何呢？喺頭場嘅時間，盈嘉輝今次個檔位又執得唔錯喎，排係一檔，咁當然就有一個唔同嘅地方就係跑1800米啦，因為呢1匹馬近呢幾次上名，或者以往最耍家嘅路程，我哋睇統計資料，1650跑左30幾次，咁兩Win6個第2，7個第三，哇谷草1800跑過只係一次，1 比0喎，即係食蛋㗎喎。但係呢一場馬咧，放頭特別走得快嘅馬又唔算太多喎。可能又享耆成今次跑千八有機會放到頭啦。博愛之光12檔cut埋嚟，但係佢唔會話盡量搶得好快㗎嘛，咁所以呢隻盈嘉輝呢，排翻一檔就可以予取予攜啦，有機會守呢個4－6位，即系中置位啦，再加上喺前一鋪輸俾極速滿貫嘅時間，果個段速好快㗎嘛，咁啲1分15秒0其實都有少少嘅氣量，即係呢隻嘅8歲老黃忠嘅身上咧，都見到㗎。
如果拉翻勻嚟計咧，如果唔係好快個步速呢，似乎佢呢個1檔亦都可以慳到腳程嘅之下，當上一場咪當跟跑咯，因為上場鵲橋飛渡係慢步速放㗎嘛，1分17秒半呀頭幾段，咁呀放頭嘅時間，當佢回氣一場咁潘頓喺賽後報告都話呢，在中等偏慢步速不合發揮，直路上難以追前。對於中年馬嚟計仲好，比我回翻一場氣。咁今次用翻合作曾經上過名嘅布文，輸俾旅英福星嗰場都合作過，希望呢場可以交返啲好嘅成績啦。
去到第3場啦，四班1650米呢今次就拆咗兩組嘅，各有各叻馬喺度啦，好似第3場咁，爆谷季內都叫做贏過，入過位。咁勁叻仔都係贏過馬嘅，第5場咁精彩生活、健康馬，都係季內贏過，咁各有一啲嘅叫做好啲嘅馬係度啦，特別想品題兩隻就係7號美麗攻略以及就係12號團結一心，美麗攻略上次就轉跑1650啦，咁雖然fing出去中外檔，叫做有利啲嘅場地。但係你睇到呢一場馬︿十八掌、精彩生活、超威力三隻都係好似蝕少少步速，即係擺喺前面走，但系其實你認真睇係個段速，第三段加快嘅，咁所以點解即系第1、2、4名都係前置，而又頂得到返嚟，咁美麗攻略喺第三段加速拉快個時間，佢仲要走咗個二疊半三疊左右，其實都幾考佢嘅，因為佢第一次1650吖嘛，咁返到嚟平排衝都好，你當佢緊緊贏左超威力，但係健康第一、但求快活、川河呢啲都係即係喺四班裡邊咧，經常跑近都係一個指標嚟嘅，咁今次美麗攻略呢，叫做排翻個中內檔啦，都係四檔啦，咁佢應該可以守好位喎，但求快活會放啦，咁跟住就可能爆谷、喜快呀，咁都係跟著喺個2、3位左右，咁佢咪可以留喺個5、6位咯，照計應該會相對好跑，搵到出路嘅。咁要睇下個賠率啦，上次係32倍，咁今次希望就唔好話熱到辣手嗰種啦，我諗繼續可能係喜快，又或者係但求快活會熱。咁所以呢隻暫時喺四選裡邊，我都會兼顧住佢，咁當然唔排除又再度清楚啲啦。
咁另外一隻團結一心｜呢隻馬亦都唔需要太過被動喎，雖然佢入位嗰鋪咧就追超威力佢係留後，但系嗰鋪佢係12檔嘅，咁上次7檔跟前些少點解返嚟冇啊？佢係心律不正，咁係可以抹咗佢。晨操記錄裡邊呢，你見到佢跑完之后都係停咗幾日，之後隔咗一個禮拜就即刻去復課。埋門試翻個閘都係純跟，咁潘頓試完唔要，咁我諗佢特別唔做牓啩，咁但係都唔緊要啦，冇潘頓可能會換翻啲賠率好分啲嘅。個閘只係跟跑，我諗係畀番隻馬一個試閘合格咁解嘅啫，冇特別壓迫佢嘅，咁如果跑翻出佢喺田草跑近，追金德義、新境界，或者晴王咁嗰個賽績嚟計，套翻落呢一組仲要咁輕磅咧，其實都夠用㗎啦，咁希望咧，有翻啲賠率呢？一對馬美麗攻略以及團結一心，可以有得冷敲下啦。
返到嚟第2節嘅時間咧，就要回顧一下4月30號冠軍一哩賽，波仔所揀嘅跟進馬表現如何喇，今日都要認下衰仔，點解咁講咧？上一次嘅標題就揀咗呢一個一鋪到位做標題馬啦，咁賽前就再諗深啲一檔A跑道會唔會定後咗一格，會俾馬塞住呢，咁會唔會有啲即係形勢上唔係咁好咧，咁呀，擺咗隻壹喜跟住喺前便，真係哼自己個頭殼，因為而家就跑2、3、4選出嚟，咁講翻呢一場馬啦，喺頭場嘅時間即係616總場次啦，而家短速唔係特別快，但係逐步加快，而且前邊放頭嘅鑽石福星都叫做拉鬆些少個馬群，咁結果呢個沿途守住2、3、4位嘅馬匹呢，就係呢一個包裝旋風、一鋪到位，佢哋相對係非常之好跑啦。太後嗰啲又蝕咗啲步速，中間慢慢發力嘅，咁就相對會著數。咁一鋪到位呢一場蘇兆輝嘅發揮，大致上都冇錯，咁而家就係輸咗一隻有啲班底，落咗班11檔，亦都跟得好前嘅包裝旋風咁解，咁啲一場希望唔好用力太多啦，包裝旋風下鋪要上翻呢個三班㗎啦，九龍神駒呢一場氣管又有血，咁一鋪到位繼續喺呢個呢個分如果繼續有好形勢，係可以交代埋嘅，咁你知道啦，輝哥要爭成績啦，繼續要保住前5，好似隱形翅膀，一有狀態嘅時間咧，都會盡量用曬佢。因為陸陸續續有新馬加入，咁舊馬用得就用咖啦，咁就容易啲流通啲馬甲啦嘛。
咁輕輕鞭打完自己之後，都叫做可以讚翻下喇，上次推介咗另1匹呢，就喺第2場，8號馬堅又威俾大家去參考啦，呢一場就算係唔錯嘅成績啦，因為就係講呢隻美麗緣分大部分嘅香港同父馬，第一鋪都未贏到wow咁橋，但係第二鋪，第三鋪表現呢，就會突飛猛進，咁加上堅又威喺香港跑過一場，呢隻美麗緣分呢？就始終都係啲試閘裡邊冇乜點樣壓迫過嘅，所以一迫落去，隻馬有啲片呀，所以走咗上嚟都仲好生，咁結果喺第2場都有唔錯嘅分頭啦，個連贏位都有派251蚊嘅，3條位置Q以及四重彩都有少少嘅斬獲啦。咁啊呢一場馬裡邊咧亦都有跟進馬㗎喎，記得要留意第3節嘅時間啦！
返到嚟第3節嘅時間，就要搵新嘅跟進馬。頭先都略略透露過喺第2場，即係4月30號嘅第2場裡邊，揀咗1匹做跟進馬㗎啦。咁呀返返嚟呢一組，似乎可能喺大賽日裡面嘅四班千二咧，都可能係個級數個能力呀，比較高啲嘅會唔會成為強組就後話，之不過呢只嘅美麗緣分，我都知下次可能都係熱門，但係去到季尾呢一類馬，稍有進步，好似幸運遇見咁，今次冇咗第2隻老虎冇咗紅日舍，即刻都脫胎換骨，贏埋馬啦。咁堅又威都其實可以即係持有，或者而家購入都一樣㗎啫。咁但系美麗緣分，可能相對地會快啲贏馬喎，因為佢主動吖嘛。嗱，睇返呢一場嘅賽事片段就知道喇..
美麗緣份佢可以前置，咁加上呢一系同父馬，美麗緣分就好似蟲草成名、星耀王者咁。哇，跑一鋪就好好多，咁啱呢兩隻馬都係喺第二鋪就可以贏馬，咁啱得咁橋又好，飛機撞紙鷂都好啦，咁美麗緣分呢一場其實係蝕咗步速，第一次落場都已經係跑得唔錯㗎喇。堅又威、幸運遇見兩隻係陣上係跑過有過表現，即係識得追馬嘅馬匹嚟㗎嗎，咁成日都睇波仔講，中意啲食完沙嘅馬。仲識得追，即系心智又或者能力，即係有第二套嘅板斧，係可以克服到啲困難㗎嘛，咁所以喺呢一場馬我相信，美麗緣份係會學多好多嘢，有機會進步嘅，咁呢度就即刻做翻一個筆記俾匹馬啦，係就係熱啲，但係變倍渣打都可能係可以揀得呢一類馬。咁呢個路程我相信都係啱啱跑㗎啦，咁呢次就係輸咗少少嘅形勢際遇嘅啫，咁呢個分我相信係有呢一個嘅有利水平、評分未盡，同埋有上升空間㗎啦，咁難得都有馬擺羅富全度，我相信都會唔俾師傅專美，一心做好呢1匹馬，開翻出賽提醒儲存翻佢，下次有機會配合全哥大手出擊啦。
第二匹嘅跟進馬呢，就揀咗喺第9場嘅時間，即係4月30號嘅第9場啦，總場次624，3班1400米嘅。呢一場馬體到頭殼頂段速，37秒63頭兩段，第三段開個23秒53，比標準時間慢咗2秒66喎，後邊嗰啲馬，裝火箭都應該追唔到㗎喇。咁所以呢一場馬揀咗呢一隻後上追得唔錯嘅色種笑俾大家呢去即係跟實喎。呢一場馬佢嘅表現呢，即系慢慢跑咗一兩場嘅三班之後，似乎企得穩咯噃。咁呀，大家都可以mark翻低，呢個評分應該係未盡嘅，有上升空間、開翻出賽提醒，幫呢一隻嘅色種笑做返筆記咯噃。
好啦，3節嘅節目時間嚟到依度接近尾聲，大家可以多多支持我地堅仔賽馬App啦，未下載而家可以免費下載，你嘅手機、平板電腦上面都可以使用㗎噃。想知道更加多嘅詳情呢，55361016呢個電話或者WhatsApp一樣係去搵到同事，去解答大家嘅問題㗎，最緊要都要支持埋我哋嘅YouTube channel，記得要畀like、分享、同埋讚好、留言，亦都歡迎大家問下馬都係可以㗎。
好啦，今集嘅節目時間差唔多，嚟緊星期三跑，之後再同大家堅仔跟進馬再傾過喇噃，我哋下次再見啦，拜拜。
