黎緊4月30日有兩場曯目賽事，就係「女皇盃」同「主席短途獎」，當然同日仲有「冠軍一哩賽」。咁點解話前者係曯目賽事呢？事關呢項2500萬總獎金嘅賽事一向都係「港日大戰」，近10年都係由港隊同日本隊贏晒，但上年因為疫情影響，無開放俾外隊馬參加，最後得10匹香港馬自己跑，令賽事失色左不少。
今年重新開放海外馬參賽，大家又有好戲睇啦！除左港隊代表「浪漫勇士」、「發財先鋒」同「飛輪閃耀」肯定會出賽，仲有英國冠軍「譽滿杜拜」，而最強對手日本隊更會派出「野田小子」、「先見」同「吉典娜」...係咪睇到一頭霧水呢？馬就唔係重點，因為呢Ｄ外隊馬連香港馬評家都肯定唔會太熟，最重要緊係到時開定堅仔賽馬App，睇下「雲數據」邊隻馬有支持最實際啦！
另一場戲肉就係同日嘅「主席短途獎」，全城熱話當然係「金鑽貴人」可唔可以贏埋呢場，成為短途三冠王！呢場比賽對佢十分重要，事關要同季贏晒3場短途，對上一隻已經係18年前嘅「精英大師」，所以呢項錦標對佢尤其重要。今屆「主席短途獎」同樣重新開放俾外隊馬參戰，而「金鑽貴人」除左香港對手，仲要面對日本短途好手「愛勁利」同有馬昆加持嘅英國馬「赤焰駒」。無錯！又係大家唔識嘅外隊馬...不過大家到時只要睇實「雲數據」，就實識點買啦！
