09-27 快活谷C跑道今次坚仔试闸靓马同大家睇睇三匹将会系九月二十七日跑马地夜赛会上阵既马匹，首先第一匹系第一场降型上阵既「着着领先」呢匹四岁赛驹暑期北上从化操练，埋门试比较短途的一千米闸，马儿起步反应敏锐，沿途由见习生操控也没有大问题，末段有其他马压迫下也有斗心肯追，似乎状态来得正好。今场落班面对较疲弱对手，有力打开胜门。
第二匹系第二场上阵的「赢科超影」今季转到廖康铭马房加眼罩试两课大闸均见前速，沿途走来跃跃欲试，九岁马仍有份朝气活跃感。睇返呢匹马前一仗蚀哂位都肯追，应该仲有一份战斗力，排好档兼强配，不拼何待。
第三匹就系第四场杯赛场合除左系「坚仔跟进马」介绍过既「都灵福星」外，初跑谷草既「美丽宇宙」都系一匹不明物体，睇返呢匹马来港第一次试谷闸，直路唔需要点平衡就已经系马群搵位上，似乎马仔谷草性能不俗，而民匹北半球马外地同香港第一铺都可以赢马，不排除跑新鲜感特佳架，冷脚不妨可以兼顾。
