馬蕭蕭先揀第4場的「熊噹噹」，甚具台型，之前因為腳傷，操練不敢壓逼，體型臃腫，跑草地便大敗一場，轉投蘇偉賢馬房之後，能適應新環境較輕柔的操練，快跳雖然仍然生硬，但角逐兩場泥地1200米都有不俗的追勢。
經過兩場的熱身，快跳的形態已順暢得多，粗身大馬的馬身亦已收得實淨，進度十分理想，轉戰田草1400米，或有機會展現更高的能力，成半冷門可以一博。
至於第6場的「勤德威力」，早前的狀態已見回起，卻在嫌短的1400米減分部署落班，今次降至四班即跑回最首本的1600米，若交回上季輕取「幸運雄威」一役的水準，在此組惡氣十足，配霍宏聲有點投注空間，值得留意。
波仔揀第六場［馬上發達］揀佢最主要今場無甚前置馬，而此駒上場前置開始輸近，鄰近［縱橫大進］［艾利奧］再出都提升名次，就搏佢今場操控步速走位冷位。
第九場［美麗宇宙］泥閘一再無走勢唔出奇，最近加眼罩試千六米大閘活躍感提升，似乎配備有新鮮感刺激，再環顧今場快馬唔多，如外檔順勢切入，可以冷敲。
